政壇：香港仁創意提案網上投票

李嘉誠基金會嘅「Love Ideas，Love HK集思公益計劃」，過往支持過唔少公益活動，至今已踏入第三個回合。一千零三十八份「香港仁」嘅創意提案，今日起會上載到李嘉誠基金會嘅網站 www.loveideas.hk，讓市民大眾瀏覽投票，選出公眾認為最觸動人心、最能幫助社區、最值得支持嘅愛心項目，市民亦可致電二十四小時電話投票熱線3699 8800同上facebook投票。

呢次計劃，大會共收到一千二百九十九份申請，申請機構共八百幾個，個人申請就有四百幾個，破晒過往紀錄。經過甄別嘅一千零三十八份創意項目，惠及社會上唔同服務對象，由文化推廣、關注少數族裔，以至關懷動物等。上載項目今日起至七月八號接受公眾投票。由於反應熱烈，基金會決定呢回合增加撥款比率，由過往嘅百分之二十五增加至百分之三十，預計撥款總額超過港幣四千七百萬元。