SUN世代：老闆員工一家親
訪問當日，May的一位同事充當起化妝師，替她打點及補妝，細心至極。驟眼看來，二人儼如姊妹一樣，「唔單止我哋兩個，所有同事間嘅關係都好好o架，雖然我係老闆，但其實大家就好似一家人咁，根本無分高低。」
同事間關係密切，不但會於公餘時間舉行聚會、替生日同事舉辦生日會，每年更有公司旅行，即使是已離職的同事，亦會一同參與。今年公司旅遊的目的地，正正是設計比賽頒獎禮的舉行地點─洛杉磯，「個獎係同事共同努力嘅成果，梗係要一齊分享，所以公司出錢，全部人去拎獎兼旅行放假。」
回首當日最艱難時刻，她亦未有想過向同事「開刀」，更堅持每月準時向員工發薪，「我以前都係打工仔，明白準時出糧對員工幾重要，可能係成個家庭嘅支柱，所以我點都唔會拖糧！」
完成一個項目後，May（後排右二）會與同事拍照留念。（受訪者提供）
May熱愛旅遊，年前與友人到台灣墾丁遊玩。