SUN微博：膠片直播：〔回帶拎〕其實有無罪，係你話咩

facebook上瘋傳林牧師話同性戀有罪，引來各方指責又或者力撐喎。其實佢無非係講同性戀即使係天生，都係同爆竊一樣係罪，不過只要自首改過醫番，教會都包容之類。佢仲好似好生鬼咁話，同性戀好似遺傳嘅cancer，你知道會唔會醫？佢鋪話法吖，你想唔想知小編點諗？我決定唔用例子答你，我直接答你。

其實林牧師覺得嘅有罪，同法律上有罪完全無關係。但佢唔區分呢兩樣嘢，一定要用罪去形容同性戀，仲刻意聯繫爆竊等刑事罪，無論態度再溫和謙恭，客觀上都有極大惡意去混淆啦。用遺傳嘅cancer比喻就更唔妥，喜好與人不同，點解係一種病呢？而道德上有錯作為佢最核心嘅論點，點解林牧師一味搓波唔射呢？你一講到點解，就無人會反對要改正佢哋啦話。

因此，小編甘冒回帶拎之大不諱，要同大家介紹呢條片啦。條片嘅概念好簡單，就係（當住你係異性戀者先）你依家突然被人問：點解你知自己係異性戀呢？其實你都一頭煙啦；又如果問你係唔係因為自細被教導，或者被朋友壓力影響下變成異性戀呢？我諗都會口啞啞。

所以呢，與其話同性戀點點點，其實又有幾多人諗清楚異性戀有幾合理呢？

同性戀嘅基督教應該做D乜（林以諾牧師）：http://www.youtube.com/watch?v=4t5Wk1CgEWk

異性戀之全面睇周街問人有冇人獸交：http://leslovestudy.com/tv