光華新聞文化中心主任張曼娟近期被傳「水土不服」嘅消息甚囂塵上，話佢有意辭官歸故里。尋日光華證實有關傳聞，才女月底就離任，下周四將舉行告別記者會。至於咩原因導致佢只做九個月就唔玩，官方話到時由佢親口講喎！
有口痕友話上月台灣新政府上任後，裁撤行政院新聞局，令原本屬於新聞局駐港機構嘅光華，被歸入新設立嘅文化部管轄，首任文化部長係港人熟悉嘅大作家龍應台，即係張曼娟變咗龍應台嘅下屬，唔想咁嘅，咪棄官再從文囉。
張曼娟去年十月新官上任，朝氣勃勃，但依家就搞到水土不服。（資料圖片）
