政壇:政商定格:霍震寰霍震宇緣慳一面
已故全國政協副主席霍英東家族嘅爭產案七月底至再開庭審理,對簿公堂嘅霍震寰同霍震宇兩兄弟,尋日不約而同出席位於中環大會堂舉行嘅鄧小平展覽開幕禮,霍震寰喺台上,霍震宇就游走台下,由始至終都冇碰頭走埋一齊,究竟佢哋當睇唔到對方吖,抑或真係無緣對面不相逢呢?
霍震宇以無可奉告回應記者對官司嘅提問,至於點睇環球經濟,佢就好樂觀咁比喻為感冒,冇乜大不了喎。佢二哥霍震寰擔任剪綵嘉賓,當佢走下主禮台得悉胞弟霍震宇都同場時,霍震宇已悄然消失。霍震寰話,佢哋兩兄弟不時有聯絡,尋日朝早至喺公司見過面喎。