貪曾尋日出席任內最後一次立法會答問大會，面對市民抗議同議員公審，佢老婆曾鮑笑薇尋日都以會長身份出席個團體活動，上台頒獎畀過百位得獎者，由於得獎者名單水蛇春咁長，有百幾人，大半個鐘頭都未頒完，曾太企喺台上恍似人肉頒獎機器，面上嘅笑容愈漸僵硬，最後冇晒表情，仲黑黑哋添。
呢啲慈善公益活動，主禮嘉賓點都應該開開心心㗎，曾太唔通畀佢老公傳授咗黑面絕技？反觀另一頒獎嘉賓、前恒生銀行一姐梁高美懿嘅笑容就親切自然得多喇！
剛開始頒獎時，曾鮑笑薇（左）頒獎畀賭王千金何超蕸（右）時仲幾好笑容。
曾鮑笑薇頒到後期冇癮兼黑面。
