次世代生活圈：80後復古風

追逐歷史氣息，重覓舊時代的真與情，一群80後自覺科技愈新，世事愈失真，決意回到過去。他們穿起懷舊時裝，起用外婆舊物，親手打造舊家具。復古，對他們來說是一種態度，不是留戀過去，而是懂得珍惜，同時向沒法修飾的年代致敬。

中古式鐵床，撥號電話，生銹鐵皮椅，走進Kin生活空間，如坐時光機回去花樣年華；古書皮套中的漫畫，英式字典藏錢包，每項細節盡見舊時代氣息。Kin說，身邊不少朋友皆是復古迷，衣食住行參照歷代世紀生活模式，「冬天戴尖帽，好似以前英倫紳士。」生活用品盡量收集採購，有時更會自家製作，她指着房中的古典床頭櫃說：「呢個係我第一件親手上漆嘅家具。」

對過去生活的執着，是源於對現代修飾文化的不滿。80後的Kin說：「我哋呢代係新舊時代夾縫中人，以前寫信交筆友，之後用icq、msn、skype識網友，新舊都體驗過。但科技愈先進，可以undo修飾就愈假。」

歲月偷不了人情味，反留下生活痕迹，滿載段段回憶。Kin拿起一個生銹鐵盒說：「呢個係外婆以前用嚟裝金器，我依家就用嚟裝針線，每次見到都好有親切感。」

Kin說：「舊有用品可能曾因為搬屋撞毀、被頑皮嘅細路仔打翻刮花，留下痕迹，但咁先有人氣，有人情味。」

Kin吸一口氣說：「其實復古不止係生活模式，而係一種態度，懂得珍惜關顧，唔係留戀過去，當你朋友病咗，親手寫信、寄張卡或者親自探佢，會比一個Whatsapp更人性。」