新一屆政府招聘副局長，候任特首辦不停有疑似應徵者出入，大量傳媒聚集候任辦樓下採訪，期間候任特首夫人唐青儀都有出現，佢仲風趣幽默咁同傳媒講：「我嚟應徵做梁太！」呢句說話真係可大可小o架，好似CY招聘太太咁，但梁太隨即自我糾正，笑笑口話「講吓笑啫」！
講開副局長嘅招聘，遴選委員會成員之一高靜芝就話，其實步入候任辦已經係考驗之一，因為做副局長都要識面對傳媒鏡頭喎！所以尋日出入嘅人首先就要過被人圍訪呢一關。尋日所見，首批面試嘅七位應徵者都相當怕羞，睇嚟需要進一步磨練！
梁振英太太唐青儀話嚟應徵做「梁太」。
