SUN微博：打橫嚟講：骯髒無比的政客

「政治比女人私處更骯髒」，早有名訓啦！只是某某女政客讀得書少唔明事理，視而不見，恬不知恥而已！

趁全城市民怒抨曾蔭權窮奢極侈，貪得無厭時，女政客對住鏡頭大罵煲呔曾「天理難容」，不旋踵，兩日唔到，卻在立法會內，幫建制派拖，明撐他們拉布，成功護曾，否決內會動議要求曾雀屎回水及引咎辭職，不顧顏面到令人鄙視。

咁都未算乞兒，就第二日，女政客又一百八十度變臉，喺街頭擺檔，叫人簽名，好等佢收集市民意見，對付貪曾喎！真何等變態無恥！

唉！豉油黨係乜嘢質素的集團，今劑一眼見晒啦！有件咁核突無倫嘅主席，呢個黨都可以收得皮矣！大家剪存本欄今日呢篇蕪文，貼喺枱頭做reminder，直至九月立法會選舉，記住唔好投票畀啲賤人呀！

說到賤，女政客主席一定又忘記了四年前的事了！响○八年八月修訂防賄條例時，泛民曾動議提出將特首與公務員睇齊，並同時設立獨立機構監察特首行為。

當時，係畀該立法委員會主席曾鈺成，和副主席劉健儀牽頭反對兼否決了，故今日煲呔曾肆無忌憚的大貪大要，曾鈺成與劉健儀及其黨羽，應要負不少責任。咪以為人們無知無記性呀！我哋一定唔會好似你哋咁失憶o架！

所以話呢，政客做污糟嘢前，唔該看看自己不讓別人睇到的三角位，再照照鏡對比一下吧！好嗎？

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊鬧爆夕陽政府