政壇：政商定格：胡安巧安排冰川天倫樂
香港總商會尋日搞咗個以「Work Life Balance」為主題嘅午餐會，請咗立法會議員劉健儀擔任演講嘉賓，原來負責邀請劉健儀嘅就係總商會卓妍社主席、「燈飾女王」Sonya胡安。Sonya話因為覺得工作同生活平衡對成功女企業家好重要，所以搵咗有律師同議員背景嘅劉健儀同大家分享，話晒佢都係事業型女性嘛！
Sonya又話：「享受生活唔在乎長短，最重要係質素！」咁點樣喺工作同生活之間取得平衡呢？Sonya話好珍惜同家人相處嘅時間，每年都會飛去美國同父母共敍天倫，而今年暑假都唔例外，計劃同媽咪坐郵輪暢遊阿拉斯加嘅冰川，佢坦言：「依家地球暖化，再唔睇就無機會睇喇！」
胡安話享受生活唔在乎長短，最重要係質素。