政壇:「空姐輔警」母女檔出更

國泰航空有一對「母女檔」空姐,做正職之餘,更不約而同投身輔警,將服務對象範圍擴大到全港市民。

由空姐轉職地勤再做到依家嘅機艙服務部培訓導師,朱小燕喺呢行打滾咗四十年,但原來佢十七歲開始已經擔任輔警。佢笑笑口話,雖然輔警工作帶畀佢好大滿足感,但佢志願係做個靚空姐,終於喺十八歲完成夢想,自此擔當輔警同空姐兩個角色。試過有次喺機上遇上兩位男士因座位問題嗌交,佢就以輔警嘅嚴肅姿態同空姐溫柔口脗成功處理。

正當佢四年前喺輔警界退休,成為榮譽高級警司之際,囡囡易小琳又行番媽咪條舊路,成為剛柔並重嘅「空姐輔警」。易小琳話好希望可以好似媽咪咁繼續喺航空服務同輔警界闖一番事業。

第一手消息請下載on.cc東方互動iPhone/iPad/Android/Windows Phone Apps

搵樓18即睇最新樓價走勢、最全面地產新聞及筍盤情報

朱小燕(左)同易小琳呢對母女都係剛柔並重嘅空姐兼輔警。