政壇：果汁先生妙喻撐許曉暉
眨吓眼，台灣駐港機構台北經濟文化辦事處處長朱曦派駐香港已半年，尋日佢相約傳媒茶敍，佢對好多香港嘅敏感問題都巧妙迴避，但講到盛傳出任文化局局長嘅民政事務局副局長許曉暉嗰時，佢就話問責官員主要負責政策方向，未必要讀嗰行、熟嗰行，好似做總統一樣，未聽過邊間大學有得讀「總統系」喎！擺明暗撐被批評冇文化背景嘅許曉暉啦！
光華新聞文化中心主任張曼娟亦有現身，做主持嘅佢經常叫朱曦做「果汁先生」（Mr.Juice）。原來朱曦嘅國語發音同Juice差唔多，所以同事就幫佢改咗呢個花名，喺茶敍更索性叫「Juice Party」添！
朱曦（右）主動約見記者，暢談駐港半年感受。左為張曼娟。