SUN世代：囡囡精靈勝o靚模

模特兒圈子五光十色，所有漂亮的面孔都被召集於此，但Winston未有揀選模特兒作伴侶。「model係好靚女，但有啲會拜金，或者年紀太細，諗嘢唔夠成熟，我鍾意女仔簡單啲。」太太是香港電台DJ，更為他誕下精靈可愛的千金Pamela。Pam Pam盡得父親真傳，Winston更當起星爸，為她接job拍廣告。

到了訪問尾聲，Pam Pam剛好上完playgroup，來到辦公室跟爸爸午餐。看到太太抱住囡囡在門外，他即笑逐顏開，愛女之情表露無遺。女兒遺傳了他的大眼睛，眼仔睩睩又愛笑，旁人都爭着逗她歡喜。

雖然Pam Pam只有兩歲，但她已是廣告界新貴，拍過電視廣告賣奶粉。經驗豐富的Winston力讚女兒的演出︰「個廣告一開始就影住個細路女拍手掌，好開心好得意咁嘅呢！」雖然Winston的娛樂製作公司，旗下有近千個模特兒，但Pam Pam一定是最得老闆歡心的一個。