SUN微博：打橫嚟講：七一回歸贈言

江湖傳聞，國家領導人為來港參加回歸十五年兼新一屆特首的登基講稿發愁，原先半年前已擬好方式化客氣的稱許，因貪曾劣行無日無之而要修改，讚佢一定唔得，鬧佢亦令國家無面，真頭痕！

好！為了國家好、主席好，我就免費助筆，代擬那日講稿吧：

各位親愛的香港同胞，你們好！今天是香港特區回歸十五周年啦！看到這裏歌舞昇平、經濟繁榮，人人有飯食，還有足夠儲備讓特首豪花住海景總統套房，真不容易！

曾蔭權特首上任時說玩鋪勁，他確實能實現承諾，玩嘢玩到最後一刻鐘，他的政績成效超卓，可分長中短三路貢獻。

短期而言，讓全港市民看清楚中央對香港的管治能力，只要我一吹雞，就算曾特首幾仆街，都有議員不贊成彈劾佢，所以，誰人上場也無所謂，肯跟中央合作包無撞板；中期好處，係令曾特首架設的高薪副局長同政治助理全部自知廢無倫不夠班做下去，而速速散水，給下屆政府有新人事新作風，但我寄語新班子，你們全家一定會被人起底剷爆，要做足心理準備呀！最後，長遠得着，係為全國的貪官作了一個好示範，咪以為做一區之首，可以亂嚟，貪得就貪，嗱！等秋後收監啦！還有，歷史上會有紀錄記載的！

二十三年啦！OH……No，十五年啫！十五年來，八八九九的艱難也捱得過，六六四四拆得掂嘅！祝大家生活和諧，謝謝！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊鬧爆夕陽政府

email：sunweibo@opg.com.hk

「就係敢爆」網址tv.on.cc/hot