SUN微博：Sun畸事：「哈囉」！貪曾

這邊廂，廉署向貪曾say「哈囉」；那邊廂，賭友向亞記hi auntie。新仇舊帳一齊翻，貪曾亞記好麻煩。

貪曾：我又多樣嘢畀廉署查，唉！

亞記：我又多樣嘢畀賭友ｘ，唉！

貪曾：其實唔關我事o架，佢哋嗰日開會傾國際學校單嘢，我咁啱入嚟say個「哈囉」，佢哋就以為我拍咗板！

亞記：其實唔關我事o架，我報報下六合彩，啲陽光走入嚟同我say hello，反晒光，唔小心睇錯咗啫！

貪曾：一切都係「哈囉」嘅錯！

亞記：一切都係光嘅錯！

貪曾：話時話，點解啲人要咁認真，佢哋唔係諗住夕陽政府會有咩作為吓話？

亞記：老實講，點解啲賭友要咁認真，反正個台都冇人睇o架啦！

貪曾：亞記，既然大家同病相憐，點解你仲要報我啲醜聞？

亞記：搵食啫，同埋你真係犯法喎。

貪曾：如果我有份破壞政府公信力，你都有份破壞傳媒公信力啫！

亞記：你用嘅係納稅人嘅錢，我用嘅係內地人嘅錢，按道理，我唔使同納稅人交代。

貪曾：狡辯！太過分！

亞記：你哋話，邊個過分啲？

（花生友如有對號入座，請食自己）