政壇：政商定格：曾永鏗升電車一哥研提速

自○九年法資公司入主香港電車公司，就由法國人Bruno Charrade做電車掌舵人，但我哋收到風，Bruno將被調去智利，掌舵人之位就由電車公司副董事總經理、曾喺運輸署做過十六年嘅曾永鏗頂上，下月一日履新，意味電車交番畀同聲同氣嘅中國人管理。

上任後有乜發展大計？佢話正着手研究點樣改善中西區交通擠塞問題，令電車可以提速；又希望政府可將長者同殘疾人士兩元搭車優惠擴展至電車，跟住又透露電車母公司有興趣喺啟德同西九引入運輸系統服務等等。唔知做過官嘅佢，同政府磋商時會唔會有更大嘅議價能力呢？

第一手消息請下載on.cc東方互動iPhone/iPad/Android/Windows Phone Apps

搵樓18即睇最新樓價走勢、最全面地產新聞及筍盤情報

曾永鏗下月起將成為電車公司新一哥。