政壇：政商定格：盧浩宏那些年食硼砂糉
好快就到端午節，係咪心思思想食糉？福苑集團主席Howard盧浩宏都唔例外，仲勾起佢喺童年過端午節嘅難忘回憶添！佢話兒時每逢過端午節，嫲嫲都會包糉應節，仲會「加料」落硼砂，令啲糯米變得軟滑。佢話當年都食唔少，到大個先知原來硼砂對身體有害，慶幸自己至今健康冇大礙。
近日港股直線插水，Howard就話冇有怕，皆因佢手持嘅股票全部都係放長線，經得起風浪。佢話玩股票首選港股，皆因內地上市公司嘅管理政策立立亂，股市隨時大起大跌，心血少啲都嚇暈，反觀港股較為隱陣，揸長線通常都無甩轆喎！
