政壇：搞搞政：發叔何鍾泰連任變古董
喺嚟緊嘅九月立法會換屆選舉，功能界別議席勢將「大換班」，好多年逾七十嘅議員都「被勸退」或退休，但現年七十三歲嘅工程界議員何鍾泰同七十五歲嘅新界鄉議局主席劉皇發竟然可能例外喎！
何鍾泰聲稱仲未搵到合適人選接棒，加上冇徒弟，相信好大機會再競逐連任。佢自言體魄都keep得好好，平時有做定期驗身，各項指標都好正常，其中檢驗骨質疏鬆時，醫生仲發現佢嘅骨質情況似三十幾歲喎，為自己年紀大嘅弱點諗定解釋。
據聞發叔就有好冠冕堂皇博留低嘅「護身符」，就係鄉議局主席要做議員，先有政治能量同政府討價還價，所以佢九月再入局時，會以七十六歲成為最高齡議員，四年後離開立法會時更會破天荒高達八十歲，變咗「超高齡」議員。咁搞法，分分鐘畀人話佢同何鍾泰係立法會古董都唔出奇。
設計圖片及對白