金融服務界日前舉行大型聯歡晚會，出席派對嘅除咗港交所前行政總裁周文耀之外，仲包括九大證券團體中堅分子同多家證券行代表，四十圍座無虛席，全晚最好玩算係證券界輪流上台唱K。唔講唔知，原來金融服務界勁多「歌王」，好似中銀國際副執行總裁謝湧海、中資證券協會會長閻峰、富昌證券研究部總監連敬涵、耀才證券市務總監郭思治等都係唱得之人，又有台型。大家咪睇謝總平時個樣有啲嚴肅，唱起歌來中氣十足，果然真人不露相。
謝湧海
