SUN微博：打橫嚟講：副局政助尊嚴幾錢斤？

報載話，候任行政長官辦公室收到1,100份副局長及政治助理的申請，稍後，等主要官員任命公布後，便會由真命的五司十四局頭領逐一召見遴選，招攬入局，做唔使負責任的打工皇帝，除影印外，仲可陪老闆外遊探訪，吃喝玩樂，住海景大套房，有咁豪使咁豪，不用客氣，因呢度有過千億儲備，一年先用百多萬，濕碎之極，最好就能跟到財經事務及庫務局嘅傻強，佢使公費最豪，亦不會面紅。

另一個環境局嘅騰雞華也不錯，佢出埠最多，任內六十次，平均每月至少遊埠一次，爽到痹！

嗱！各位等寵幸的申請者，唔好以為呢份人工高福利好，有得威又唔使用腦嘅筍工，好易撈呀！

你哋先要諗吓，畀你跟住一群狗到無靈魂的所謂上司，連「六四」咁簡單嘅基本人性良知的問題，也驚到瀨尿唔識應對，你做下屬，會唔會羞恥先？

其次，仲要被查三代，除政府起你底外，網上人肉搜查大揭秘真唔講得笑，有乜依郁，連隔籬屋三嬸未戒奶時的孩提裸照都畀人刮到獻世o架！全部私隱一Q清袋o架！頂唔頂得住先！還有，一早要有心理準備，要同埋一群低B反智嘅同僚做嘢，實畀市民剷到撻皮；千祈咪信老董話畀人鬧得愈多，就證明自己做得愈啱呀！此等超級白癡話，會累你阿媽受辱的，咪制！

世事，有錢使得鬼推磨，總有人為了錢而不要尊嚴的！錢喎！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊鬧爆夕陽政府