SUN微博:Sun畸事:千fa喜誕「敏感兒」
恭喜賀喜!最受歡迎女歌手千fa榮升母親!在敏感時刻誕下「敏感兒」,千fa回應記者追問時也不自覺地閃爍其詞,盡顯大笑姑婆的幽默本色。
記 者:恭喜晒千fa!係仔定女呀?
千fa:哈哈……個仔未定性,我都要思考吓……
記 者:個仔未定性,咁即係仔啦?
千fa:佢都係普通人士嚟啫……哈哈哈……
記 者:普通人士都有性別㗎喎。
千fa:佢係仔定女我冇親身體驗,唔可以判斷,我只有個人感受,嘻嘻。
記 者: 如果連仔定女都唔知,我哋返去點樣寫?
千fa:「無論仔定女都好,都係一件好值得開心嘅事。」你哋咁寫咪得囉。
記 者: 咁千fa你幾時會確認bb嘅性別?
千fa:既然已經生咗,就要確認,但我都唔知點樣做,哈哈。
記 者:咁老公丁生點講呀?
千fa:佢未必好方便公開評論。(笑)
記 者:我頭先見到佢微笑,係咪有玄機?
千fa:不予置評,眾口鑠金難鑠真呀,哇哈哈……
(花生友如有對號入座,請食自己)