煤氣走入本港尋常百姓家，帶來好多方便，中華煤氣尋日舉行150周年慶祝活動，身為主席嘅四叔（李兆基）喺開幕禮上親自「點燈」，佢嘅兩位公子李家傑同李家誠都有份出席。四叔話當年，以前香港未有煤氣時，有錢人都要靠點油燈，連煤氣燈都冇o架。
現代都市人都好難想像當年嘅生活，所以煤氣公司專登整咗個展覽，畀大家返到六、七十年代，睇吓古老煤氣燈、煤氣熨斗等，展期由即日起至六月十日，IFC商場內嘅展攤布置懷舊、古樸，有睇趁早喇！
四叔（右一）尋日出席煤氣公司150周年慶祝活動。
煤氣公司嘅展覽有好多古老煤氣用品，新一代可藉此了解過去嘅生活。
