政壇：政商定格：仁愛堂首建腦退化支援中心
今年係仁愛堂成立三十五周年紀念，尋日舉行傳媒午宴，主席黃達東（Dennis）帶住一班兄弟姊妹盛裝赴會，「光纖之父」高錕太太黃美芸都有捧場。Dennis率先透露一系列活動，重頭戲係同高錕慈善基金合作，成立全港首個一站式腦退化支援中心。副主席歐雪明就拋磚引玉，豪捐逾七位數字款項支持善舉，希望未來全港各區都有一個中心喎。
同場仲有藝人馬德鐘嘅太太張筱蘭，佢以香港大學社工系名譽助理教授嘅身份支持活動。而總理劉家榮一邊講歐洲國家盃，一邊就話贊助仁愛堂成立阿仙奴香港足球訓練學校，學員有機會飛去英國阿仙奴總部交流及集訓喎。
歐雪明（右）豪擲巨額善款，黃達東（左）同高黃美芸都讚佢樂善好施。