打波變玩水阿媽鬧爆
【本報訊】「最衰隻船駛過產生咁大個浪，累到我救唔到佢（失蹤同學），搞到自己都傷埋」。對於救人不遂的陳同學，事後不斷自責，亦遭母親責罵。
陳指聽到有人叫救命後，心知不妙，冒險踢拖落海救人。當他靠近兩人時，被一隻該死的船隻產生的巨浪一沖，不單硬生生將他們推到不同位置，更令他甩掉拖鞋，差點被海底捲起的漩渦捲走。他自顧不暇，為求自保，只好游上岸，並向兩人大叫「返埋嚟」。眼見湯成功上岸，並因吞下海水嘔吐大作時，他卻因不見盧蹤影而驚慌不已，自知不能再做英雄，遂高聲求救。
其後，陳母接獲通知趕到現場，大罵兒子：「你累死人，就算冇內疚，你個心都會唔安樂。話我知去打波，點解會變咗玩水，你知道嗰度水流湍急，好識游水嘅人都被畀水浸死啦！」
奮勇救人少年（站立者）與友人在場協助調查。