SUN微博：Sun畸事：偽人貪曾學演技

「大審計日」已到！審計署連環踢爆貪曾外訪豪住總統套房、五年奢遊花千二萬、狂貪暴舔超英趕美，全民鬧爆，貪曾急急開記者會低頭致歉，可惜表情造作、略嫌浮誇！有人就狠批貪曾演技不濟，建議向一眾實力派演員借鑑。

貪曾：我已經將五官擠埋一舊，繃緊眼皮，點解啲眼淚都係出唔到嚟o架?!

浩文：呢啲嘢唔急得，我喺大陸拍咗好多年戲，喺個乜都假嘅地方造假好多年，先鍛煉到依家呢身演技o架。

冠Ａ：我最勁，用英文say個sorry，連眼淚都慳番！My power powerful！

董伯：你哋都冇我咁高班，一句呢樣嘢已經唔存在，就道歉都唔使！

貪曾：我覺得係市民要求太高，唔係我演技差囉！

浩文：你臨尾講「多謝大家」，呢個時候點都應該講「我錯啦，我真係錯啦！」如果仲有老婆出嚟攙扶吓就最好啦。

冠Ａ：我覺得你擠唔到眼淚就走，呢個態度好唔專業。起碼畀記者影多幾張相先啦。

董伯：其實眼淚好其次，你應該話你腳痛，唔好意思要走先，咁就咩都唔關你事o架啦。

貪曾：各位大佬，我好想拜你哋為師，精進演技！

浩文／冠Ａ／董伯：七一之後我哋一齊入赤柱教你囉。

（花生友如有對號入座，請食自己）