政壇：政商定格：鄭志剛推UNITI企業價值
新世界發展創辦人鄭裕彤嘅長子嫡孫鄭志剛（Adrian），平日身兼新世界系內多個職務，但無損佢對文化藝術產業嘅投入，尋日就見佢親身出席個文化論壇，席間滔滔應答，明顯好留意文化藝術發展。
唔講唔知，Adrian創辦嘅K11係藝術購物中心，以藝術、人文、自然融合為一體。佢同時係周大福文化慈善基金主席，早前就推出全新企業核心價值「UNITI」，即係強調重創新、求進步嘅企業文化。而「UNITI」亦代表Adrian嘅嶄新思維，「UNITI」代表你（You）、新世界（New World）、創新（Innovation）、信任（Trust）同進步（Improvement）。
鄭志剛身體力行撐藝術，尋日就喺一個由香港藝術行政人員協會同西九文化區管理局合辦嘅文化領袖論壇任嘉賓。