香港崇德社前晚舉行兩年一度嘅換屆儀式，新任主席係梁慶儀，佢由本身係港大博物館主席嘅卸任主席霍關天穎手中接過棒。梁慶儀對教育好有興趣，佢話任內將會着重年輕人教育，以及宣揚男女平等訊息。立法會秘書長兼崇德社前主席吳文華呢日都有嚟捧場。
香港崇德社嘅會員不乏本地政、商及專業界女強人，創會會員華慧娜話，香港崇德社成立之初有會員十七人，四十年後創會會員只剩三人，原來其中一人就係富貴黨副主席周梁淑怡。
梁慶儀（左）接替霍關天穎（右）出任香港崇德社主席。
創會會員華慧娜（中）同公關馬天惠（右）及湯雷（左）都係崇德社中堅分子。
