大言不慚會奮鬥到任期最後一分一秒嘅煲呔曾，被踢爆貪到最後一分一秒嘅醜事後，全城要求貪曾回水、辭職嘅聲音此起彼落，連親中團體中華總商會副會長方文雄都疑似睇唔過眼，要求貪曾向公眾道歉外，仲要清楚交代外訪嘅事。
方文雄尋日同兒子Vincent喺香港會所食飯，問佢點睇貪曾連串貪得無厭事件，佢就話貪曾一定要出嚟解釋清楚成件事，並且要向市民道歉，又話煲呔曾作為特區之首，外訪時無疑有保安安排，但始終係用緊公帑，所以應該好好同大家交代，仲建議日後可參考外國其他同級數人士嘅外訪安排。