SUN微博:打橫嚟講:未來教育局長的質素

真估唔到,有人敢自吹自擂話對香港教育「情有獨鍾」,博大霧,想做下屆教育局長,真cheap精!此人叫吳克儉,即現任考評局主席之那條大廢柴。喺今年四月首屆中學文憑試搞到一鑊泡,全民媽媽聲之際,吳粉皮主席可厚顏無恥地在電台公然講大話,話「社會對考卷嘅主流反應相當正面」,當時所有人都×佢老祖,要佢拿出支持佢言論嘅證據來,足足兩個月,一篇唔插爆佢嘅文竟也見不到!厚皮怪物還想壞腦,要做主管教育頭頭,去吔糞吧!

教育家係要有承擔,訓育下一代為己任的知識分子所為,看見此吳粉皮成個市儈「sale屎佬」般油腔滑調狂sell自己,叫人作嘔呀!大佬!講大話不特止,還走精面,有記者詢問社會大眾關注的「國民洗腦教育問題」,或「可否教六四事件」時,佢話「不敢在專家前賣弄」喎,又因羅范椒芬近期日日被人批評,佢竟話好耐無聯絡佢了!吓!佢係你個恩人嚟o架!乜你咁反骨折墮!

振英哥呀振英哥!為咗你嘅民望,也為咗你「用人唯才」嘅理念,如此粉腸真係用不得呀!否則,民怨一定暴升,佢死大家話之佢,但影響你會好大鑊o架!嗱!你啲仔女長大晒,你無有怕啫!香港仲有好多人無錢送子女出國讀書,將來由呢啲質素嘅契弟主管教育,定必暴動有份;寧願你請玄學大師李居明做教育局長,都不能用佢害香港呀!請三思!

就係咁爆:關於敏感詞,你還敏感嗎?

讀者可透過智能手機下載「東方互動」app,於「爆料」項上載影片,每個星期三《太陽報》及ontv同步大爆特爆!

彭志銘

次文化考古學家,對城中潮語有深入研究,博徵博引,廢官廢人行埋一邊。

email:sunweibo@opg.com.hk

「就係敢爆」網址tv.on.cc/hot

搵樓18即睇最新樓價走勢、最全面地產新聞及筍盤情報

「Money18免費即秒股票報價網站」現推出8升級功能,財經資訊,實時實發!