SUN微博：Sun畸事：兩個外訪的人

同人唔同命。這邊廂，煲呔雀屎借公帑外訪儲34萬飛行里數，全民聲討；那邊廂，昂山公主首次外訪，國內外卻一致叫好歡迎。

煲呔雀屎：我去外訪，你又去外訪，點解偏偏插爆我？

昂山公主：呢次係我處女航，你五年都外訪咗五十幾次啦，咪咁貪心啦。

煲呔雀屎：我好掛住啲總統套房呀，嗚嗚……

昂山公主：身處外國，特別掛住祖國人民……

煲呔雀屎：好彩我儲定啲飛行里數，夠換11張機票啫。

昂山公主：唔知今次出咗去，仲返唔返到家鄉呢……

煲呔雀屎：遲吓返倫敦睇奧運，再去澳洲探樹熊先！

昂山公主：咁啱嘅？我遲吓都去倫敦喎。

煲呔雀屎：你去我祖家做咩？

昂山公主：冇呀，佢哋邀請我去演講吓民主、人權議題。

煲呔雀屎：點解佢哋冇搵過我嘅？我都有好多嘢發表喎！

昂山公主：你有咩嘢發表？

煲呔雀屎：我可以教吓班英國公務員我嘅貪污心得……

昂山公主：＊ｅｔ＊ｏ＠ｅ＆％）＠！（緬甸語）

（花生友如有對號入座，請食自己）