政壇：鄉事派新社聯撐葛珮帆

鄉事派喺每次選舉嘅取態都會對選情有微妙影響，各大政黨都力爭做佢哋嘅代言人，其中疑似參選立法會新界東嘅建仔沙田區議員EQ葛珮帆，上月底率先喺沙田鄉委會會址天台掛咗幾幅大型橫額，宣傳佢有份搞嘅「珍愛環境攝影展」，難得喺當眼位置做宣傳，EQ於是「一物二用」放埋自己嘅大頭相提升知名度。

EQ戙旗參選，據聞新社聯成員李世榮同李家良都會跟EQ張名單出選，換句話講，EQ除咗獲鄉事派力撐外，仲得到新社聯祝福，睇怕其他疑似參選人要諗吓宣傳策略迎戰嘞！

第一手消息請下載on.cc東方互動iPhone/iPad/Android/Windows Phone Apps

搵樓18即睇最新樓價走勢、最全面地產新聞及筍盤情報

葛珮帆掛咗三幅橫額喺沙田鄉委會大本營「頭上」。