葉禮德當選新一屆香港律師會會長後，尋日聯同兩位副會長林新強同熊運信見記者，除講吓來年大計外，亦答咗唔少熱門話題，但就點都唔肯講袁國強係咪做律政司司長嘅合適人選，話唔評論未經確定嘅人選喎！不過佢話希望新司長可以擴展市場，等法律界多啲商機。
「雙非」問題鬧得熱烘烘，釋法同修改《基本法》各有支持者。佢認為兩種方法都唔夠行政措施快同有效，即使要釋法，亦應該有案件先去做，呼籲政府千萬唔好自己亂嚟。