「貪曾衰嘢澳門學到足」

【本報訊】「成個澳門都唔止一個歐文龍啦！」澳門前運輸工務司司長歐文龍貪污案纏繞澳門多年，就連香港富商亦牽涉其中，澳門各界均寄望肅貪風暴「唔好停」，將涉事人等一網打盡。

「澳門貪污溫床處處，今次只係污水之中捉咗一條魚咋！」澳門立法會議員區錦新表示，由於澳門法律不完善，官員權力過大，所以決策權亦「有價有市」，澳門一日不「換水」，魚塘的魚（貪官）愈養愈多，貪污問題亦解決不了。另一立法會議員高天賜亦認為澳門存在的並非官商勾結、而是官商一體的問題，貪腐案除嚴重影響澳門，亦間接打擊中國國際形象，故中央介入無可厚非，除了追究歐文龍外，凡涉案行賄、受賄的幕後人等亦需追究到底。

「香港好嘅嘢澳門又唔學，貪曾嗰啲衰嘢又學到足！」澳門時事評論員黃東指出，澳門雖在一些調查中廉潔排名於亞洲位於前列，但只屬假象，實質是貪腐不堪。他又認為，不論貪污的人是政府高官或任何巨商，都必須接受法律制裁，絕對不能放過。至於被指已被劉鑾雄聘請為辯護律師的大律師歐安利，昨日出席立法會會議時，拒絕回應歐案的判決。