曾先生（21歲）飲食業
佢依家用公帑嚟私人享受，係唔應該，要盡快向公眾交代，點解要住得咁豪。佢本身已經負分，個人誠信亦有問題，依家差上加差！
吳小姐（22歲）大學生
曾蔭權用咗咁多錢住貴價酒店，啲錢應該要拎番出來，就算我無份享受，啲錢都可以幫到其他人。
鄭小姐（22歲）大學生
佢根本係趁落台前擸得就擸，佢都話視民望如浮雲o架喇。我都想佢向公眾交代，佢平時對住記者都燶口燶面，可能要中央出手，佢先會認錯。
吳小姐（21歲 ）大專生
住到總統套房成五萬蚊一晚，市民真係心痛，住普通酒店都可以喇。政府要快啲為高官設限額，而且要諮詢市民先實行。
葉小姐（21歲）大專生
有啲人係睇住個制度來做嘢，如果佢要公帑埋單嘅話，唔該下次自己畀番錢！
關先生（24歲）銀行業
曾蔭權用咁多錢外遊，佢起碼要向市民道歉，唔好變到好似內地情況，任佢哋使。佢已經係夕陽特首，追究責任，簡直浪費資源。