政壇:搞搞政:縮骨高達為妻助選 搵尹兆堅抬轎

自從白鴿黨決定由尹兆堅出戰區議會超級議席後,呢位後生仔人氣急升,但班白鴿黨大佬為咗打穩陣波,最近又勒住佢,建議改派鐵頭仁同涂謹申出戰超級議席,以增勝算。喺葵青區起家嘅尹兆堅,既然冇得選超級議席,好多人都以為佢會去番新界西直選,但點知又冇佢份,因為新界西已有兩條名單,就係「高達」李永達同陳樹英兩公婆。

本來知名度勁低嘅陳樹英首次擔正已勝算唔高,如果再加埋尹兆堅分薄票源,最終可能得高達贏到一席,所以班白鴿大佬就勸佢等下屆再選。

但據聞高達近日就諗縮數,建議佢排自己條隊嘅第二。咁做算係一石三鳥,一來可以安頓佢,二來可以借佢急升嘅知名度鞏固個人票源,仲可以幫老婆陳樹英掃除障礙,等該黨只係出兩條名單,唔使重疊票源。咁搞法,即係叫尹兆堅幫佢老婆抬轎啫!

第一手消息請下載on.cc東方互動iPhone/iPad/Android/Windows Phone Apps

搵樓18即睇最新樓價走勢、最全面地產新聞及筍盤情報

設計圖片及對白