SUN微博：打橫嚟講：是誰搬走了我的投票權

香港立法會功能組別選舉，無公信力，無代表性，絕對係垃圾選舉，我話嘅！

我夠膽公開指斥這廢物收容選舉，當然不會無的放矢，一定事出有因啦！係咁嘅：

話說四月底我收到香港藝術發展局行政總裁周勇平寄來的一封信，話我那間出版公司係曾獲佢哋資助嘅團體，又符合選舉事務處有關規定，可以登記為「體育、演藝、文化及出版」界別的功能組別之選民，於九月九日投票，於是跟足該信指示在網上download表格填清楚後，郵寄去選舉事務處登記，幾日後，該處有人來電，說我的資格不符，吓！唔係呀？

第一，係藝發局周總裁來信的，係佢錯在先？第二，我的出版公司成立廿四年了！該小職員話咁未夠資格的，要係佢哋認可的會員喎！咁我公司加入了大名鼎鼎的「香港中小企書刊業商會」，本人是副會長喎！佢話佢哋的名單上無資料，唉！幾流幾廢吖？喂！你哋低能工作零效率，就剝奪我的投票權？好！出版界唔得，咁！我係香港電影編劇家協會創會人之一，兼多屆執委，又算唔算演藝界？咁嘞！本人是香港政府認許的香港武術評判員兼教練，代表體育界都得啩！又唔得，最後，文化界啦！我多年來四出講學，寫專欄、著書、做電視文化節目主持，啱啱至幫婦女事務委員會的「一人一大學」講了三課「香港歷史文化保育」的電台節目，也不得！我咁都無資格投票，呢個係乜春選舉？選乜卵人呀？請問！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊鬧爆夕陽政府

email：sunweibo@opg.com.hk

「就係敢爆」網址tv.on.cc/hot