政壇：政商定格：紅線女感謝CY救新光
喺廣州定居嘅粵劇前輩紅線女尋日專登返港參與新光重開嘅剪綵儀式，仲捉住候任特首CY梁振英隻手，話多謝佢仗義相助，令新光得以成功續約。紅線女話一直好尊敬CY嘅為人，覺得佢將會係一個肯聽取民意嘅好特首喎！
CY喺致辭時話，新光戲院得以繼續營業，自己只係略盡綿力，又話日後嘅文化局會負責制訂文化產業策略，希望文化界嘅朋友可以多多支持。佢之後又默認民政事務局副局長許曉暉會出任文化局局長，話中央肯任命嘅，相信都會係合適人選。
CY尋日如常地繁忙，出席完新光開幕後，去咗灣仔一間茶餐廳食晏，跟住就去咗會見省級政協。
紅線女（左）獻花畀梁振英（右），多謝佢從中協助，令新光得以成功續約。
港區省級政協委員聯誼會會長戴德豐（左）見完梁振英後，拉住河南省政協梁高美懿見記者。