政壇：搞搞政：長毛自薦做CY助理
因為候任特首CY梁振英請咗未有「三粒星」嘅陳冉加入候任特首辦，引起唔少爭議。公務員事務局局長「D姐」俞宗怡尋日喺立法會第N次耐心解釋，再三強調陳冉係公務人員，唔係公務員，今次以非公務員合約工請佢，係因為份工得三個月時間，要熟悉CY政綱外，只係負責政策研究同埋寫吓講辭。D姐仲話《基本法》都容許特區政府請外籍人士做「專門和技術職務」。
社民連嘅「長毛」梁國雄聽到火起，話佢都好熟悉CY嘅政綱，咁不如請佢做兼職，最多佢將份糧捐出嚟！跟住仲質疑熟悉一個人嘅政綱點算專門，係咪咁狂妄叫「梁振英學」呀？
白鴿黨嘅黃成智扮晒代表話有齊一整套知識、操守指引，同埋監管制度嘅社工就係專業喇，好似佢早前「唔記得」註冊立即被釘牌咁。簡直係趕住自暴其短。
設計圖片及對白