立法會主席曾鈺成早前話有泛民主派議員(其實係白鴿黨張文光)同佢握手,即係話唔反對腰斬拉布。白鴿黨約十名成員不滿曾鈺成「一味靠屈」,尋日喺金鐘海富中心手持標語同生豬肉遊行去立法會,諷刺曾鈺成為求淡化事件竟向泛民議員「砌生豬肉」,將握手嘅禮貌性舉動解讀成支持,明顯係誤導公眾。
遊行剛起步,隊伍就巧遇握手事件嘅主角張文光,張文同黨友握手,黨友就叮囑佢「握手要小心」。唔講唔知,原來張文好鍾意同人握手。
負責招呼示威人士嘅立法會人員對生豬肉唔多欣賞,唔肯接收。
張文光(左)同遊行嘅黨友握手。