誰明老師心：港孩歪理：「你講晒啦！」

中二丁班這星期有專題研習匯報，第二組的表現異常差勁，毫無準備，內容不知所云，組員態度亦十分輕佻，根本沒有尊重我或其他同學。最後我決定給這組零分。

怎料，同學B突然發難：「點解會係零分呀？」

我：「你覺得你邊部分值得有分？」

同學B：「咁我哋冇做過冇經驗，你係咪應該體諒呀？機會都唔畀就零分？」

我：「其他組夠冇做過冇經驗啦，人哋做到你做唔到，係咪人哋有分你冇分先？」

同學B：「咁你講晒啦！」

老師竟然不能給學生零分。在此不贅我到底給了他們多少機會/時間準備。港孩總覺得一切都「有take 2」，得到原諒是理所當然。理虧了，最後總是一句「你講晒啦」，甚或向父母「伸冤」，然後父母找校長投訴……老師不會因傳道授業解惑而獲尊重，極其量是教育產業的推銷員而已。我沒能耐解決港孩問題，只關心每天如何沉得住氣面對他們。