網民揶揄新政總危樓

【本報訊】新政府總部「門常開」變「水長流」醜聞曝光後，一度變瀑布的東翼後樓梯側門昨日已重門深鎖，未能察看災後情況。當局昨解畫時指，由於水渠接駁位損壞，令雨水沿樓梯流走，已將事件轉介建築署。事件引起網民熱話，有網民揶揄政府總部為「危樓一幢」，又不諱言：「貪曾惹的禍！」

水渠接駁位損壞

本報獨家報道添馬艦新政府總部東翼後樓梯側門，大量「洪水」如瀑布由上層沿樓梯湧落樓，清潔工需堆沙包防止水淹電錶房。有巡經的保安員透露：「緊急搶修咗啦！」建築署發言人稱前日下午約二時，東翼一樓管道房內的水渠接駁位損壞，雨水從一樓沿樓梯流向地下，承建商於當日下午完成維修，事件無影響政總運作。署方會盡快檢查類似喉管的接駁位，避免同類事件發生。

有網民在討論區批評當局無能，工程「甩甩漏漏」，並坦言：「遲啲打風咪仲死！」又形容政府總部為「危樓一幢」，更有人狂轟曾蔭權指：「都係貪曾惹的，如非佢好大喜功，就唔會搞到問題百出！」