次世代生活圈：無性界扮靚

他，束起長髮、化上淡妝，配襯白色恤衫和黑色魚網長裙，腳踏一雙四吋高的白色厚底鞋。那高挑瘦削的身形，走在熙來攘往的銅鑼灣鬧市，在人群中顯得格外突出。這位突破傳統男女界限的80後，從不介意旁人目光，認為「只要自己鍾意，又有何不可以？」

二十四歲的Boss，是樹仁大學應屆畢業生，五年前，因迷上時裝，開始嘗試大膽的衣着打扮，如穿裙子和高跟鞋，還開始化妝出街。「衫係死物，唔應該分男、女，只要着得靚，自己覺得靚就OK﹗」在別人眼中，他總被定性為不倫不類，甚至「基佬」，但Boss卻有自己一套看法，「生理上男同女唔同係好正常，我唔可以反對男仔去男廁，但點解要局限男仔有咩唔做得，女仔有咩唔做得？點解男仔唔可以着裙呢？」

活得開心 懶理旁人目光

Boss五官標致，加上女性化打扮，不時被誤會是女生，「試過入男廁被人趕番出嚟。」面對眾人的「奇異目光」，他坦言：「從來都唔覺得尷尬，介意都無意義o架﹗自己介意，亦改變唔到人哋嘅諗法；人哋介意，亦改變唔到自己嘅喜好。」反而這份對時裝、化妝的熱愛，令Boss有所得着，「以前唔知自己想要咩，近年因為時裝識到一班志同道合嘅好友，搵到自己嘅人生目標。」此刻，他站在銅鑼灣鬧市，擺出自信的甫士，淡淡然道出心聲：「依家嘅我，生活得好開心﹗」或許，這就是80後的生活態度。