SUN微博：SUN畸事：主席，生日快樂

曾六成：健怡妹妹~

牛健怡：點啫？六成哥~

曾六成：我......我想......

牛健怡：做乜吞吞吐吐呀，六成哥？

曾六成：無，想搵你參加我個通宵開會party啫！

牛健怡：吓？做乜無啦啦要玩通頂呀？

曾六成：其......其實係因為小弟生日，想大家一齊玩番晚啫！

牛健怡：通宵好傷皮膚o架喎，唔好預我。

曾六成：咪咁掃興啦，我連生日蛋糕都訂埋啦！

牛健怡：仲食蛋糕？你睇我個名就知我on diet啦！飢饉party就差唔多。

曾六成：我六十四年無開過生日party，畀吓面啦！

牛健怡：唔得呀！一陣我黑眼圈勁咗又肥咗點算？

曾六成：真係無得傾？

牛健怡：係！

曾六成：我以主席名義要你通宵開會，this is an order！

牛健怡：@#^#%&#%*&#%#

（花生友如有對號入座，請食自己）