政壇：政商定格：余健志煮鮑魚阿一都讚
亞洲飲食界盛事「明火廚神．國際挑戰賽」即將舉行，尋日喺中華廚藝學院舉行發布會，多位飲食業界高手雲集，好似「阿一鮑魚」楊貫一、星級名廚周中等，仲有飲食達人Jacky余健志、私房菜達人Ricky Cheung等示範星級美食。
Jacky炮製「富貴牡丹鮑魚」，以南非鮮鮑切片砌成花形，並以日本清酒同雞湯調味，阿一食過都讚啲鮑魚滑過河粉。Ricky Cheung則創出一道「五味帶子他他」，賣相味道俱佳。同場仲有號稱「至尊刀神」嘅大廚黃君表演，將桂花魚起骨成松鼠魚，只需一分零七秒，嘆為觀止。
余健志（左一）即場炮製富貴牡丹鮑魚，楊貫一（右三）、周中（右一）等食過都讚好味。
富貴牡丹鮑魚