政壇：謝伯榮收中電天價時薪
香港嘅最低工資係時薪二十八蚊，中電前執行董事謝伯榮尋日開始正式退休，轉做非執行董事，佢仲同中電簽咗份一年期嘅服務合約，搵佢為中電提供有關物業/地產方面嘅顧問服務，時薪三千二百蚊！
時薪有三千二百蚊，聽落好似好誇張，但大家唔使眼紅，佢話晒喺中電服務咗三十年，同好多打工皇帝比，呢個價錢好濕碎，況且佢唔係日日都要畀中電「問」，亦都唔會日日有工開。
謝生以前一直喺中電都係管理內地業務拓展同財務，點解忽然走去做地產顧問？聽番老友講，謝生喺中電咁多年，曾經參與過唔少物業及地產事務，仲做過中電地產同嘉賀地產兩間中電附屬公司嘅董事，所以謝生退休後，會喺呢方面做顧問，令到物業同埋地產業務可以順利過渡咁話。
中電前執行董事 謝伯榮