政壇：陳振彬低吸歐元等遊埠

拖咗一段時間，歐盟債務危機仍未解決，令歐元匯價回落，可能唔少人會趁低吸納，但觀塘區議會主席Bunny陳振彬就話自己買歐元只係應付旅行，暫時唔會炒賣，而佢正正計劃嚟緊暑假去歐洲自駕遊。佢話今次歐遊會先去德國探朋友，然後由德國慕尼黑起步自駕遊，一直揸到奧地利、瑞士及意大利，沿途觀賞阿爾卑斯山嘅湖光山色。

因為生意往來，Bunny喺德國有好多老友，佢話當地人對沒完沒了嘅歐債危機感到厭煩，認為希臘幾次受援助都冇起色，真係無可救藥，所以畀希臘離開歐元區嘅主張，喺歐洲愈嚟愈有市場，當地銀行亦已經有晒準備喎。

第一手消息請下載on.cc東方互動iPhone/iPad/Android/Windows Phone Apps

搵樓18即睇最新樓價走勢、最全面地產新聞及筍盤情報

陳振彬話依家買歐元只作旅行之用，暫不會炒賣。