SUN微博：黐筋網相：驅逐菲傭，恢復中華?
呢位被內地網民稱呼為禹總嘅網上紅人一向語不驚人誓不休，之前已經試過話要派六位數字花紅畀公司旗下員工。今次仲化身愛國勇士，幫中國「出氣」怒炒菲傭。
不過咁，據小編翻查資料，原來國內公民係唔可以以個人身份聘請外國人工作嘅，依家喺國內工作嘅菲傭，都係以「菲教」，亦即係家教嘅身份工作。依家禹總開到聲話炒菲傭，會唔會玩大咗先?一陣畀人拉，贏咗啖氣，輸咗自由，唔抵喎。
講番正經。
黃岩島之爭發展至今，觀乎國內嘅輿論同國民嘅反應，似乎有走向極端民族主義嘅氣息。唔怪得喺早前，香港嘅菲傭組織已經話過擔心佢哋嘅待遇受影響，一啲在菲華人仲話開始擔心佢哋嘅人身安全。
極端民族主義有幾危險，只要睇吓二戰時嘅德國同日本已經一清二楚。觀乎微博上嘅回應，雖然有不少網民不認同禹晉永嘅行為，但支持佢嘅亦不在少數。如此風氣，實在令人憂心。
