政壇：政商定格：何倍倩拍包靚真人騷
恒生新抱何倍倩經營嘅自家護膚品牌，一直搵林峯堂妹林夏薇做廣告模特兒，早前佢親自粉墨登場，但呢次佢唔係拍廣告，而係自任美容女王指導人扮靚嘅短片，佢仲搵嚟真實個案，親自指導唔同個案回復美貌嘅過程，儼如《盛女愛作戰》真人騷，佢話：「唔知點解最近好多朋友搵我拍短片，分享扮靚心得，我覺得時下都幾興拍短片，所以自己都拍，搵啲皮膚有問題嘅個案，幫佢哋改善皮膚問題，啱啱拍咗第一個個案，要等四個禮拜後再拍，睇吓佢嘅皮膚改善幾多。」
佢又話搵個案並唔容易，自言會提供護膚品畀個案，仲笑言包佢靚。
何倍倩話短片稍後將會放喺YouTube同人分享。
