政壇：發叔見CY促僭建軟着陸
新界鄉議局主席劉皇發尋日下晝同候任特首CY梁振英會面，雙方傾咗大概一粒鐘，睇嚟CY係想聽吓發叔對僭建問題有乜高見。
點知發叔會後話，建議CY解決僭建問題除要「求和諧、求發展」外，仲要「軟着陸」喎，簡直將領導人嘅口號琅琅上口。唔通拆僭建就係唔和諧，僭建多啲就係有發展？不過，問發叔乜叫「軟着陸」時，佢又答得好軟，冇任何堅實同具體嘅回應。尋日去探CY嘅仲有特首辦主任梁卓偉同立法會議員梁耀忠，全部都冇透露同CY傾啲乜。
近日嘅氣溫升到超過三十度，舊政府總部西座十二樓嘅候任特首辦可能冷氣唔夠，尋日一次過搬咗四把座地風扇上去，轉頭又嫌太多，有一、兩把又搬番走。
發叔將領導人嘅口號琅琅上口。