商戶叫苦捱唔到工程完成
【本報訊】興建正街扶手電梯,本來既方便街坊出入,又可帶旺人流,惟商戶未見其利,已先見其害,不少商舖業主紛紛加租,商戶叫苦連天。
「做到九月睇怕都執笠囉,日日蝕住做,真係打工好過。」正街一間麵包店老闆廖先生慨嘆,該店捱不到電梯工程完工,便要結業收場。他指,店舖業主易手後,該店月租由三年前一萬九千元飆升至四萬五千元,業主更揚言電梯及鐵路落成後會再加租,「原本諗住做街坊生意,咁貴租要賣幾多個麵包先為到皮?」
「好彩係自己舖咋!如果唔係都捱唔住。」位於般咸道與正街交界的餐廳則較麵包店幸運,因為餐廳老闆黃先生已購入物業,避過圈地之苦。他透露,附近無論住宅或是商舖,早已被大量炒家睇中,估計區內將有更多老店因捱唔起貴租而結業。
廖先生表示,其麵包店可能會捱不住貴租而結業。